Students die as military crush terrorists plan to kidnap students of Federal Government Girls College Monguno
Published51 minutes wey don pass
Read am in 1 mins
Some students of di Federal Government Girls College Monguno for Bauchi state, northcentral Nigeria don die as stray bullets from terrorists hit dem as security personnel engage dem wen dem attack di school.
Di Nigerian military wey announce di informate allege say Islamic State West Africa Province terrorists bin attack di girls college at about 1:30am on Sunday, 19 July as dem attempt to kidnap di students, but security agencies scata di mass abduction operation.
For di statement wey di acting Military Information Officer HADIN KAI for Maiduguri Mohammed Goni release, e say di terrorists reportedly gain access to di facility wit di assistance of suspected collaborators in an attempt to abduct students.
But security personnel immediately engage di terrorists wit coordinated and overwhelming firepower, dem overpower dem and force dem to abandon dia mission.
However, some students die for di operation, but dem no mention dia numbers and dem rescue odas.
“After di operation, di troops successfully rescue and evacuate all 46 students go Kinnasara Barracks for Monguno, wia dem quickly check dia health and give dem di medical care wey dem need. All di rescued students don dey confirmed say dem stable medically, and no single student dey abducted.
Unfortunately, some students lose dia lives afta stray bullets from di terrorists hit dem during di exchange of gunfire between di troops and di terrorists”.
Skip X postAllow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose ‘accept and continue’.
Warning: Di BBC no dey responsible for di content of external sites.
We still dey update dis tori!
