-
- Author,Mayeni Jones
- Reporting from,Johannesburg
- Published27 May 2026
New Informate 28 May 2026 - Read am in 5 mins
Authorities for South Africa tok say na only 295 Ghananians wey dey eligible board di plane wey fi Ghanaian govment arrange for di voluntary repatriation of im citizens for South Africa
On Wednesday, di first batch of Ghanainas comot from south Africa admist di ongoing anti-immigrants protest in South Africa
Nearly 300 Ghanaians, including women and children, comot from South Africa land safetly for di home kontri afta dem bin express dia iterest to return home
Dis Ghana nationals wey return home from South Africa dey among di ova 1000 pipo wey don register for di voluntary repatriation by di Ghanaian govment
According to di Border Management Authority (BMA), na only 295 Ghanaians return home as five of di passengers still get documentation issues wey dem still need to resolve
BMA tok say one of di passengers dey seek asylum for South Africa and e no fit board di plane unless e don cancel di application for protection in South Africa
“All asylum seekers dey required to cancel dia application for protection if dem wan go back to dia kontri wey dem dey run from,” BMA tok
Authorities also explain say di second passenger no fit board becos im passport don already expire and di embassy no issue am wit Emergency Travel Certificate while di third passenger carry her sister two small pikin and dem no fit travel without parental contest
“One woman dey try to travel wit two small pikin wey she tok say na her sister pikin. However, she no get any document to show relationship or consent from di sister,” BMA tok
BMA futher explain say dem don handover all dis passengers wey dem deny departure to Ghanaian High Commissioner for future repatriation wen dem meet di “relevant immigration requirements for departure.”
Skip content and continue reading
- Join BBC News Pidgin WhatsApp Channel to stay up to date wit di latest tori dem for Nigeria and around di world
- Who be di oldest players wey dey play for World Cup?27th May 2026
- Muslims around di world dey celebrate Eid Mubarak27th May 2026
Nearly 300 Ghanaians, including women and children, wey di govment help to comot from South Africa don arrive for Accra
Dem be part of di ova 1000 pipo wey bin express interest to return home sake of anti-immigration protests for South Africa wey bin call for undocumented immigrants to leave by 30th June
Ghana Foreign Affairs minister Samuel Okudzeto Ablakwa and oda govment officials bin receive dem for di airport
Di 297 Ghanaians arrive onboard one chartered flight wey di govment arrange
Men, women and children of all ages dey among dem
Dis action dey come afta wave of protests against illegal immigration for South African cities in recent weeks, wey don lead to fears say e fit spark xenophobic violence for di kontri.All the passengers dey registered by embassy and airport staff
Ahead of im arrival, Rudolph, wey don stay for South Africa for 10 years and wey get salon wey e dey manage, tell BBC say im dey leave sake of di recent protests
“E no dey comfortable for us to stay here anymore, so we gatz go. I tink we go find peace for house,” e tok
About 25,000 Ghanaians dey live for South Africa
Demonstrators say illegal migrants dey put pressure on public services and don ask South African govment to do more to stop am
Na one group wey di name na March and March bin organise di demonstrations. Di group describe diasef as a citizen-led movement for immigration reform
Dem set 30 June as deadline for illegal immigrants to comot di kontri. Rudolph worry say di deadline fit lead to violence
“Di protests start for Durban, and don escalate go oda provinces. So e dey sure say somtin bad fit happun.”
E add say im no go eva return to South Africa
Ghanaian High Commissioner Benjamin Quashie tell BBC say im go ensure say di kontri citizens dey safe
“Di Ghanaian govment don listen to di plight of dia citizens for South Africa, wey feel say dia lives dey for danger, wey feel say di economic activity dem dey do no pay again, wey feel unwelcome for dis kontri, and na di responsibility of evri govment to ensure say dia citizens dey taken care of both home and abroad.”
Wia dis foto come from,EPA
Wen tori pipo ask wetin Ghana officials dey do to ensure say illegal migrants from Ghana no enta South Africa, e say dem get reintegration strategy in place for dose wey dey return
“Di govment ready to establish dem for whatever business dem bin dey do for South Africa. In a way, we also dey help di South African economy, bicos e dey clear say some of dem dey undocumented
“So taking dem out of here go let dem know say we no be pipo wey dey permit undocumented pipo for kontris.”
Some analysts suggest say di resurgence of anti-migrant sentiment for South Africa fit dey linked to local elections scheduled for November
For 2019, rioters kill at least 12 pipo and for 2008, 62 foreign nationals die inside attacks on foreigners across di kontri
But di organisers of recent protests say e dey peaceful
Earlier dis month, di South African govment condemn criminal acts directed at foreigners, as dem add say di kontri need to deal with illegal immigration
Fotos of di Ghanaians wey arrive today
